Լուրեր
Իրանի հրադադարը մազից է կախված. 10 կետից 3-ն արդեն խախտվել են
Մինչ Թրամփն ու Մերցը քննարկում են խաղաղությունը, Թեհրանը հայտարարում է պայմանավորվածությունների խախտման մասին
Today News
8.04.2026 19:45
Իրանում հրադադարի շուրջ իրավիճակը կտրուկ սրվում է։ Իրանի խորհրդարանի նախագահ Մոհամմեդ Ղալիբաֆը հայտարարել է, որ ԱՄՆ-ի հետ ձեռք բերված 10 կետանոց համաձայնության 3 կետերն արդեն խախտվել են։ Ըստ նրա՝ սա անիմաստ է դարձնում հետագա բանակցությունները։
Ի՞նչ է խախտվել. առաջին հերթին Իսրայելը խախտել է Լիբանանում հրադադարի պահանջը, բացի այդ՝ խախտվել է Իրանի օդային տարածքի անձեռնմխելիությունը։ Երրորդ կարևոր կետը վերաբերում է ուրանի հարստացմանը, որն ԱՄՆ-ն շարունակում է մերժել։
Զուգահեռաբար, Գերմանիայի կանցլեր Ֆրիդրիխ Մերցն ու ԱՄՆ նախագահ Դոնալդ Թրամփը հեռախոսով քննարկել են Մերձավոր Արևելքի իրավիճակը՝ փորձելով գտնել խաղաղության եզրեր, սակայն Թեհրանի վերջին հայտարարությունները հույս չեն ներշնչում։
Աղբյուր՝ twentyfournews, tertammedia
Share:
