Ռոբերտ Քոչարյան. «Աբխազական երկաթուղու բացումը թույլ կտա շրջանցել Ադրբեջանը»

ՀՀ երկրորդ նախագահ Ռոբերտ Քոչարյանն անդրադարձել է Հայաստանի տնտեսության համար կենսական նշանակություն ունեցող տրանսպորտային ուղիներին։ Նրա խոսքով՝ Աբխազիայի տարածքով երկաթուղային հաղորդակցության վերականգնումը կարող է լուրջ դրական ազդեցություն ունենալ մեր երկրի վրա։

«Դա կլինի ավելի էժան տրանսպորտային գիծ և նոր ճանապարհ, որը որևէ կերպ կապված չի լինի Ադրբեջանի հետ»,- նշել է Քոչարյանը։ Ըստ նրա՝ սա ռազմավարական առավելություն կտա Հայաստանին՝ նվազեցնելով կախվածությունը հարևան երկրի քմահաճույքներից։