Իսակովի պողոտայում ասֆալտ են փռում. սպասում են եվրոպացի հյուրերի

Երևանում շարունակվում են բարեկարգման աշխատանքները: Այսօր Իսակովի պողոտայում սկսվել են նոր ասֆալտբետոնե ծածկի տեղադրման աշխատանքները:

Քաղաքացիները նկատում են, որ աշխատանքները թափով են գնում, քանի որ սպասվում է եվրոպացի բարձրաստիճան պաշտոնյաների այցը Հայաստան: Բացի այդ, Հերացի-Չարենց հատվածում էլ ծառատունկի նախապատրաստական գործեր են սկսվել «Կանաչապատում և շրջակա միջավայրի պահպանություն» ՀՈԱԿ-ի կողմից: