Իսրայելը նոր հարվածներ է հասցնում Լիբանանին՝ անտեսելով Թրամփի պահանջը

Չնայած Դոնալդ Թրամփի՝ Լիբանանի ուղղությամբ հարվածները կրճատելու հորդորներին, Իսրայելը շարունակում է ակտիվ ռազմական գործողությունները։ Իսրայելի պաշտպանության բանակը (ՑԱԽԱԼ) հայտարարել է, որ նոր հարվածների թիրախում են հայտնվել «Հզբոլլահի» հրթիռային կայանները։

Լիբանանում հնչող պայթյունները տեղի են ունենում այն ֆոնին, երբ միջազգային հանրությունը փորձում է հասնել վերջնական հրադադարի։ Հիշեցնենք, որ ավելի վաղ Իրանն ու Լիբանանը պաշտոնապես ներառվել էին հրադադարի գործընթացի մեջ, սակայն իրավիճակը տեղում մնում է չափազանց լարված։