«Սամվել Կարապետյանի գործն ապօրինի է». պաշտպանները հաղթանակ են խոստանում

Սամվել Կարապետյանի դեմ իրականացվող քրեական հետապնդումը շարունակում է մնալ հանրության ուշադրության կենտրոնում։ Պաշտպանական կողմը հայտարարում է, որ գործն ամբողջությամբ ապօրինի է և քաղաքական ենթատեքստ ունի։

Ըստ փաստաբանների՝ Կարապետյանն այսօր գտնվում է մի իրավիճակում, որը գրեթե չի տարբերվում բանտային կալանքից։ «Մենք հաջող ելք ենք ունենալու, քանի որ հիմքերն ուղղակի չկան»,- նշել է պաշտպաններից մեկը։ Նաև կոչ է արվում դատախազին՝ ինքնաբացարկ հայտնել մինչև հերթական դատական նիստը, որպեսզի գործընթացը գոնե ինչ-որ չափով օբյեկտիվ թվա։

Կողմնակիցները պնդում են, որ Կարապետյանը պետք է լիարժեք հնարավորություն ունենա մասնակցելու երկրի քաղաքական գործընթացներին, քանի որ նրա մեկուսացումը ձեռնտու է միայն գործող իշխանություններին։